Оңтүстік Қазақстан облысында биылғы жылдың алғашқы үшемі дүниеге келді. 16 қаңтар күні облыстық №2 перинаталдық орталығында бір ұл мен екі бірдей қыз баласы туылған деп жазады ОҚО әкімдігінің ресми сайты.

Мақтаарал ауданының №2 аудандық сотының судьясы Абай НИЯЗБЕКОВТЫ сыбайлас жемқорлыққа қарсы Ұлттық бюро қызметкерлері Жоғарғы соттың ішкі қауіпсіздік және соттардағы сыбайлас жемқорлықтың алдын алу бөлімімен бірлесіп ұстаған деп жазады Ratel.kz.

Сайрам ауданына қарасты қарабұлақ ауылындағы № 17 мектептің шәкірттері жағымсыз иістен әбден мезі болдық дейді. Айтуларынша, қоқыс полигонына жақын орналасқан білім ордасындағылар бұл мәселені айтып құзырлы органдарға шағымданғанмен қайран болмапты. Жағымсыз жағдайда білім алып жатқан оқушылардың шағымы туралы Otyrar.kz порталы жазды.

Оңтүстік Қазақстан облысында Қожа Ахмет Ясауидің 100-ге жуық еш жерде жарияланбаған хикметтері табылды деп жазады Қазақпарат.

Мемлекеттік номері Оңтүстік Қазақстан облысына тиесілі жеңіл автокөлік Ауғанстанда жүр. Шымкенттік тұрғынның мыңдаған километр мен тау-тасты артта қалдырып, не мақсатта осынау елге барғаны белгісіз. Дегенмен, әлеуметтік желі қолданушылары «Шымкенттіктердің жүрмейтін жері жоқ!» деп, оған өз таңданыстарын білдіруде.

Халқының 70 пайыздан астамын қазақтар құрайтын Оңтүстік Қазақстан облысы еліміздегі ең кедейлері көп шоғырланған өңір деп танылып отыр. Ranking.kz порталы жүргізген зерттеу нәтижелеріне сенсек, облыстағы 290 мыңдай адам сіңірі шыққан кедей көрінеді.

Кеше Оңтүстік Қазақстан облысының әкімі Бейбіт Атамқұлов Рио олимпиадасынан жүлдемен оралған оңтүстікқазақстандық қос спортшыға баспана мен көліктің кілтін сыйға тартқан болатын. Ауыр атлетикадан Олимпиаданың күміс жүлдегері Жазира Жаппарқұл болса 2 бөлмелі осынау пәтерді ата-анасына беріп, өзіне әкімнен алған жол талғамайтын көлікті ғана қалдыратынын айтты.

Барымташылар Мерке ауданының тұрғынына тиесілі 47 бас жылқыны ұрлап әкеткен. Келтірілген шығын көлемі 9 миллион 400 мың теңгені құрап отыр.