Азаматтық белсенді Вадим Курамшиннің сөзінше, сотталған атыраулық белсенді Макс Боқаев 26 тамызда Петропавлдағы түрмеден Ақтөбедегі жалпы режимдегі колонияға этаппен жөнелтілген. Бұл ақпаратты Азаттыққа Солтүстік Қазақстан облысы қылмыстық атқару жүйесі департаменті растады. Департамент ақпаратына қарағанда, Макс Боқаевтың туыстарына оның басқа колонияға ауыстырылғаны туралы хабарлама жіберілген деп жазады Азаттық.

Павлодар облысында аудан әкімінің орынбасары өзінің келініне 537,8 гектар алқапты бөліп берген. Бұл туралы Мемлекеттік қызмет істері және сыбайлас жемқорлыққа қарсы іс-қимыл агенттігінің баспасөз қызметі хабарлады.

Сенат депутаттары бүгін жер дауынан кейін әзірленген кейбір заңнамалық актілерге жер қатынастарын реттеу мәселелері бойынша өзгерістер мен толықтырулар енгізу туралы заң жобасын екі оқылымда қарап, қабылдады. Енді заң президенттің қол қоюына жіберіледі. 

Петропавлда бұдан былай жер телiмдерi ашық аукциондар арқылы сатылатын болады. СҚО әкiмi Құмар Ақсақалов жер қатынастары басқармасының кеңейтiлген алқа отырысында осылай деп мәлiмдедi. Бұрын жер сату саудасы облыс орталығында өткiзiлмейтiн едi. Соның кесiрiнен қазiр қалада бос жер учаскелерiнiң тапшылығы байқалады.

Бүгін Мәжіліс Жер  қатынастары туралы заң жобасын екінші оқылымда мақұлдады. Алайда Ауыл шаруашылығы министрлігіндегілердің айтуынша, егін егіп, мал ұстауға арналған телімдерді өзге елдің азаматтарына жалға беру және оны сатуға салынған мораторийдің мерзімі аяқталған соң, Үкімет аталған заң жобасын қайта қарамақ. Бұл туралы КТК телеарнасы мәлімдеді.

Әлемде бірде-бір мемлекет екінші бір елге сынақ жүргізу үшін жерін полигонға беріп қоймайды. Қазақ жерін полигонға жалға беру ел тәуелсіздігіне үлкен қауіп-қатер төндіреді, дейді тәуелсіз заңгер-адвокат Абзал Құспан.

Бүгін Мәжілістегі Үкімет сағатында оқулықтардағы кемшіліктерді талқылау мәселесі бойынша депутат Бекболат Тілеухан ҚР Білім және ғылым министрі Ерлан Сағадиевті жекпе-жекке шақырды, деп хабарлайды ҚазАқпарат.