Атырауда әйелдерше киініп алып, көшені кезген ер адам жұрттың күлкісіне қалды. Бұл сәтті куәгерлердің бірі телефон камерасына түсіріп алған.

Әнші Қайрат Нұртастың анасы әрі продюсері Гүлзира Айдарбековаға «жас емессіз, өз жасыңызға сай киінсеңіз» деп сын айтушылар көп. Продюсердің бұлай дейтіндерге өз жауабы бар. Айтуынша анасына бақытты адам көріну үшін үнемі өзіне қарап, әдемі киім киіп жүруді әдетке айналдырған.

«Киіміңе қарап қарсы алып, ақылыңа қарап шығарып салады» деген бүгінгінің қанатты сөзі бекер айтылмаса керек, жиын тойда да қарапайым орта да бір-бірінің киімін түгендейтіндер, сынап, сыбайтындар аз емес. Осы орайда әнші Сәкен Майғазиев адамшылықтан алыстап бара жатқан адамдарға ой салар өзінің ескі суретін әлеуметтік желіге жүктеді.

Астана әкімі Әділбек Жақсыбеков қазақстандық тауарлар сатумен айналысатын  «УниверMAG.kz» дүкенінің ашылуына қатысып, қыста жауратпайтын қалың киімдер: тоқылған шұлық пен жемпір сатып алды деп хабарлайды қала әкімдігінің баспасөз қызметі. Осылайша Жақсыбеков аталған дүкеннің алғашқы сатып алушысы атанып отыр.

Жыл басында қызылордалық жас мемлекеттік қызметші Мұратбек Санақұлының киім үлгісі әлеуметтік желі пайдаланушыларының көзайымына айналған-ды. Жағасы мен жеңі ұлттық оюмен көмкерілген ақ костюм алыстан «менмұндалап» тұр. Бастамаға атыраулық зейнеткер Сергей Алпатанов пен «Алаш айнасы» газетінің ұжымы да қолдауларын білдіріп жатты. Дегенмен, уақыт өте келе желідегі әңгіменің екпіні басылып қалғандай. Бастама жақсы, бірақ неге игі істі жүзеге асыру үшін биліктің бұйрығы керек? Мәселен, іргедегі қырғыз ағайын айыр қалпағын, өзбектер тақиясын ешбір бұйрықсыз-ақ ұлттық брендке айналдырып алды емес пе?!