"Пари Сен-Жермен" форварды Килиан Мбаппе карьерасын жалғастыратын клубты таңдады, деп хабарлайды Massaget.kz.
Le Parisien мәліметінше, франциялық шабуылшы осы жазда "Реал" сапына өтпек. Мадридтіктердің форварды Карим Бенземаның саудиялық "Әл-Иттихад" командасына ауысуы Мбаппеге қатысты жағдайға әсер етіп отыр.
Айта кетейік, бұған дейін Мбаппе ПСЖ-мен келісімшартты 2024 жылғы 25 маусымға дейін ұзартқысы келмейтіні белгілі болды. Бұл оған 2024 жылы маусымда еркін агент атануға мүмкіндік береді.