$ 443.35 € 475.54 ₽ 4.82
Солтүстік Корея көшбасшысы Ким Чен Ын Ресейге ресми сапармен барды, деп мәлім етті Табиғатты қорғау министрі және КХДР-мен сауда-экономикалық және ғылыми-техникалық серіктестік бойынша үкіметаралық комиссия төрағасы Александр Козлов Telegram-арнасында.
Солтүстік Корея көшбасшысын күтіп алдым. Ким Чен Ын ресми сапармен Ресейге келді, - деп жазды ол.
ҚазАқпарат хабарлауынша, Кездесу КХДР-мен шекарадағы Приморье өлкесі Туманная өзені үстіндегі көпірде болды. Министр Ким Чен Ынның пойыздан шығып жатқан видеосын жариялады, перронда әскери оркестр ойнап тұр.
Күтіп алу салтанаты аяқталған соң Солтүстік Корея басшысы Приморье губернаторы Олег Кожемяко мен Табиғатты қорғау министрлігі басшысымен келіссөз жүргізді.
Біз бұрыннан көршілерімізбен жақсы қарым-қатынастамыз, ауыл шаруашылығы, құрылыс, туризм мен басқа салалардағы серіктестіктің әлеуеті жоғары , - деп жазды Кожекмяко Telegram-арнасында.
Кремльдің хабарлауы бойынша, сапар барысында Владимир Путин Ким Чен Ынмен жеке және кеңейтілген құраммен келіссөз жүргізеді. Оған қорғаныс министрі Сергей Шойгу да қатысады.
Бұл сапарға Ким Чен Ынмен бірге Сыртқы істер министрі Чхве Сон Хи, Корея Еңбек партиясы ОК әскери басқарма бөлімшесінің басшысы Пак Чон Чхон, Орталық әскери комитет басшысының орынбасары Ли Бён Чхоль келген.
Бұған дейін Солтүстік Корея көшбасшысы 2019 жылдың сәуірінде Владивостокқа келген еді. Ол 2011 жылы қызметіне кіріскен Ким Чен Ынның Ресейге алғашқы сапары болатын.
