АҚШ Палестинаға $100 млн гуманитарлық көмек бөледі

АҚШ президенті Израильге сапары кезінде палестиналықтарға 100 миллион доллар гуманитарлық көмек бөлетінін мәлімдеді, деп хабарлайды Skifnews.kz ақпарат порталы.

Ақ үй әкімшілігінің хабарлауынша, бұл қаржы "Газа секторындағы және Иордан өзенінің батыс жағалауындағы Палестина халқына" көмек көрсетуге жұмсалады, деп жазды Ulysmedia.kz

Ақша адамдарды таза сумен, азық-түлікпен, гигиеналық құралдармен, медициналық көмекпен және басқа да қажетті заттармен қамтамасыз етуге жұмсалады, - деді Джо Байден.

Оқи отырыңыз: Израиль армиясы Газадағы аурухананы атқылап, 500 адам қаза тапты

Қазақстан ХАМАС пен Израиль қарулы қақтығысына қатысты позициясын жариялады 

АҚШ президентінің пікірінше, Газа секторының бейбіт тұрғындары "кінәлі емес және ХАМАС терроризмінен зардап шекпеуі керек. Бейбіт тұрғындардың өмірі қорғалуы керек, ал көмек мұқтаж адамдарға шұғыл түрде көрсетілуі керек".

Бұған дейін Тель-Авивте сөйлеген Байден Израильді бейбіт тұрғындардың тағдырын жеңілдету үшін Мысырдан гуманитарлық көмекті Газаға жіберуге шақырды. Нәтижесінде Израиль премьер-министрі Беньямин Нетаньяху Израиль Египет арқылы Газаның оңтүстігіне азық-түлік, су және дәрі-дәрмек жеткізуге рұқсат беретінін жариялады. Осылайша, ол ХАМАС израильдік кепілге алынған адамдарды босатқанға дейін Израильден көмек жібермейтінін айтты.