Ресейде Есіл өзенінің суы қауіпті деңгейде көтеріліп жатыр

Ресей территориясындағы Есіл өзенінде су қауіпті деңгейіне көтеріліп жатыр, билік Тюмень облысындағы аттас қаланың тұрғындарын шұғыл эвакуациялауға шақырды, деп хабарлайды Skifnews.kz ақпарат порталы РИА Новости-ге сілтеме жасап.

60 мың халқы бар Есілде таңғы алтыдан бастап шұғыл эвакуациялау қажеттілігі туралы SMS жолданып жатыр.

Есіл тұрғындарына су басуы мүмкін аймақтардағы үйлерден шұғыл эвакуациялауға шақырылған SMS-хабарламалар келді. Есіл өзенінде судың қауіпті деңгейге көтерілуі жүріп жатыр. Қалада уақытша орналастыру пункттері ашылды", - делінген ақпарат орталығының хабарламасында.

Бұған дейін аймақтық билік 139 елді мекенді су басу қаупі бар деп хабарлаған болатын. Өзендердегі су деңгейі 800 см қауіпті деңгейге жеткенде, 15-17 сәуір аралығында қатты су тасқыны болады деп болжануда.