Қазақстандағы персона нон грата тізіміндегі Тигран Кеосаян комаға түсіп қалды

Ресейлік тележүргізуші әрі режиссер Тигран Кеосаян ауыр халде комаға түсті, деп хабарлайды Skifnews.kz ақпарат порталы.

Бұл туралы оның жұбайы, белгілі журналист Маргарита Симонян, әлеуметтік желіде хабарлады. Ол Кеосаянның ұзақ уақыт бойы жүрек дертімен күресіп келгенін айтты.

"Мұны айтқым келмеген еді. Алайда журналистерден қоңырау түскен соң, өзім жариялауға шешім қабылдадым. Күйеуім Тигран Кеосаян клиникалық өлімді бастан өткеріп, қазір комада жатыр. Көпшілік білетіндей, оның жүрек ауруы ұзақ уақыт бойы мазалап келді", – деп жазды Симонян.

Сонымен қатар, ол көпшіліктен отбасы үшін дұғада болуды және қолдау көрсетуді өтінді.

"Тигранды жақсы көретін жандардан оның денсаулығы үшін дұға етуді сұраймын", – деп сөзін аяқтады Симонян.