Сеулде Қазақстан азаматы құрылыс алаңында қаза тапты
Yonhap агенттігінің мәліметінше, оқиға 29 қыркүйекте Сеулдің оңтүстігіндегі көпқабатты тұрғын үйдің құрылыс алаңында болған.
Оңтүстік Корея астанасы Сеулде Қазақстан азаматы құрылыс алаңындағы қайғылы оқиғадан көз жұмды. Ақпаратты Қазақстанның Сыртқы істер министрлігі растады, деп хабарлайды Sn.kz ақпарат порталы.
Yonhap агенттігінің мәліметінше, оқиға 29 қыркүйекте Сеулдің оңтүстігіндегі көпқабатты тұрғын үйдің құрылыс алаңында болған. Шамамен 30 жастағы қазақстандық жұмысшы ғимараттың 23-қабатындағы пәтерлердің бірінде тазалау жұмыстарын бастауға дайындалып тұрған. Сол кезде оның үстіне бетон төбенің бір бөлігі құлап кеткен.
Оңтүстік Кореяның Еңбек министрлігі оқиғадан кейін нысандағы жұмыстарды тоқтатқан. Полиция мен құрылыс қауіпсіздігіне жауапты органдар оқиғаның мән-жайын анықтау үшін тергеу жүргізіп жатыр.
Қазақстан Сыртқы істер министрлігінің хабарлауынша, қазақстандық дипломаттар марқұмның туыстарымен байланыс орнатқан.
«Корея Республикасының құзыретті органдары оқиға бойынша тергеу амалдарын бастады. Қазақстандық дипломаттар марқұмның туыстарымен байланыс орнатып, оларға консулдық-құқықтық көмек көрсетіп жатыр», – делінген хабарламада.
Сіздің реакцияңыз?
