Әлем 22.10.2019 сағат 16:45

Қызметі бірдей жеті мейірбике бір уақытта жүкті болды

Олардың бәрі аурухананың жаңа туған нәрестелерді емдейтін неонатология бөлімінде жұмыс істейді екен.
Қызметі бірдей жеті мейірбике бір уақытта жүкті болды
фото: stan.kz
Бөлісу
Бөлісу
Бөлісу

Испанияның Барселона қаласында бір аурухананың жеті мейірбикесі бір уақытта жүкті болып қалған. Бұл туралы Stan.kz W24 басылымына сілтеме жасап хабарлайды. 

Аурухана қызметкерлерінің бірі желіде жариялаған суретте 7 әйелдің ішін көрсетіп тұрғаны көрінеді. Жүкті әйелдердің ең жасы 31 жаста болса, ең үлкені 47-де. Олардың бәрі аурухананың жаңа туған нәрестелерді емдейтін неонатология бөлімінде жұмыс істейді екен. 

«Кейде жұмысымыз қиынға соғады. Себебі, біз 24 немесе 25 апталық шақалақтарды күтеміз. Кейде олар құрсағымызда көтеріп жүрген сәбиімізден де кішкентай болады. Шақалаққа, содан кейін өзіңе қарап, біртүрлі сезімде боласың.

Сондай-ақ, оның анасын да эмоциялық тұрғыда қолдауың керек. Өзіңде және құрсағыңдағы сәбиіңде барлығы дұрыс екенін біле тұра, шала туған шақалақ пен анасына қарау қиын», - дейді мейірбикелердің бірі. 
 

Оқи отырыңыз

загрузка...

Соңғы жаңалықтар

Қызықты материалдар