Маңдайында 2 мүйізі, бетінде 480 пирсингі бар адам көпшілікті таңғалдырды

Бельгияның астанасында келбетінің ерекше болғанын қалайтындар үшін таптырмас шара өтті. Аталған шарада маңдайында екі мүйізі бар Германия азаматы ерекше көзге түсті, деп хабарлайды Stan.kz. 

Брюссель қаласында боди-арттан халықаралық шара өтіп, денеге салынған суретті сүйер қауым Tour&Taxis деп аталатын алаңға жиналды. Мұнда 30 еуроға билет сатып алғаннан кейін түрлі қызықты шараның куәсі болуға болады. Әлемнің түкпір-түкпірінен келген татуаж салатын үздік мамандар қалаған суретіңізді денеңізге салып береді. 

8-10 қараша күндері өткен шарада Германиядан келген Рольф Бухгольц ерекше көзге түсті. Денесінде 480 пирсинг бар ер адамның маңдайында мүйізі де бар.