Әлем 26.11.2019 сағат 11:15

Құны 1 млрд еуро тұратын ханшайымның әшекейлері қолды болды

Ұрлық болардың алдында ғана музейге жақын жерде өрт болып, ауданда электр қуаты өшірілген.
Құны 1 млрд еуро тұратын ханшайымның әшекейлері қолды болды
Бөлісу
Бөлісу
Бөлісу

Германияның Дрезден қаласындағы «Алтын қор» музейінен саксон ханшайымының аса құнды әшекей-бұйымдары ұрланды, деп хабарлайды ҚазАқпарат, Euronews.com-ға сілтеме жасап.

Екі ұры музейге баса-көктеп кіріп, бірінші қабаттағы терезенің тор көзін арамен кесіп, витринада тұрған әшекей-бұйымдарды қолды еткені бейнекамераға түсіп қалған. Қарақшылар жеңіл көлікке мініп, ізін суытқан.

Полиция бірнеше минутта оқиға орнына жетіп келді. Ұрлық болардың алдында ғана музейге жақын жерде өрт болып, ауданда электр қуаты өшірілген. Полицияның айтуынша, қылмыскерлер осы арқылы тәртіп сақшыларының назарын аударып, музейдегі дабыл жүйесін өшірген болуы мүмкін. 

Тарихи маңызы зор болғандықтан, әшекей-бұйымдардың құнын дөп басып айту қиын. Бірақ, "Bild" газетінің жазуынша, 1 миллиард еуроға жуық шығын келген. «Алтын қор» - Дрезденнің танымал музейлерінің бірі. Оның көрме залдарында 3 мыңнан астам жәдігер сақтаулы тұр.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар