Әлем 06.01.2020 сағат 12:20

Аустралиядағы өрттен 500 миллион жануар қырылып қалды

Өрттің түтіні қазіргі уақытта Жаңа Зеландия аумағына дейін жеткен. Ал Аустралияның өз аспаны қызыл түске боялған.
Аустралиядағы өрттен 500 миллион жануар қырылып қалды
Бөлісу
Бөлісу
Бөлісу

Аустралия мемлекетіндегі жаппай орман өртінен қаза тапқандардың саны 24 адамға жетті. Алты адам із-түссіз жоғалған. Өрттен қырылған жануарлардың саны 500 миллионнан асады.

Аустралияда бірнеше күннен бері жалғасып жатқан өрт жергілікті билікті қатты алаңдатып отыр. Себебі, өрт салдарынан Жаңа Оңтүстік Уэльс штатында жүздеген үйге зақым келіп, тұрғындар басқа жаққа қашуға мәжбүр. Жергілікті билік аталған аумақта 150 орман өрті тіркелгенін хабарлады. Өрттің жалынын басуға жауған жаңбыр да көмектеспей жатқан көрінеді.

Осыдан екі күн бұрын Аустралия премьер-министрі Скотт Моррисон өртті сөндіру үшін төтенше жағдай қызмкеткерлерінен бөлек, 3000 сарбаз көмектесетінін айтты. Осылайша, ел тарихында бірінші рет әскерилер өрт сөндіруге араласып жатыр.

Негізі, Аустралия ормандарындағы өрт қыркүйек айынан бері жалғасып келеді.

Өрттің түтіні қазіргі уақытта Жаңа Зеландия аумағына дейін жеткен. Ал Аустралияның өз аспаны қызыл түске боялған.

2 қаңтар күні Жапонияның Himawari-8 метеорологиялық агенттігі өрт шыққан аумақты спутниктен таспаға түсірді. Жерден 35 мың километр биіктіктен түсірілген суреттен Аустралия жерінің қып-қызыл болып ерекшеленіп тұрғанын байқауға болады. Экологтартың мәліметінше, соңғы төрт ай ішінде Жаңа Оңтүстік Уэльс штатының солтүстік жағалауында коалалардың үштен бірі жойылып кеткен. Ал олар (коала –авт.) өмір сүретін аумақтың 30%-ын өрт жалмаған. 

Дереккөз: Азаттық рухы

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар