$ 446.49 € 475.38 ₽ 4.79
Сенбі күні Грекия маңындағы Пакси аралдарына жақын тұста заңсыз мигранттар отырған кеме Ион теңізіне батып кетті. Бұл туралы Грекияның жағалау күзеті хабарлаған, деп жазады Azattyq Rýhy.
Қайғылы оқиға аралдың оңтүстік-шығысынан 13 миль қашықта болған.
Жағалау күзетінің мәліметінше, 21 адам құтқарылған, 12 адам суға батып мерт болған. Кемеде 50-ге жуық адам болған деген де мәлімет тарауда.
Қазір апат болған аумақта іздеу-құтқару жұмыстары жүргізілуде. Оған жағалау күзетінің алты күзет кемесі мен жақын маңдағы аралдар билігі де атсалысуда, сондай-ақ, екі тікұшақ пен әскери-теңіз флотының бір кемесі жұмылдырылған.
Жағалау күзеті құтқарылған үш мигранттың тікұшақпен ауруханаға жеткізілгенін мәлімдеді.
