Халықтың мазасын қашырған вирус Қытайдан Жапонияға таралды

Жапондық префектурада тұратын қытайлық азамат аспан асты елінде пайда болып, жаппай таралып жатқан вирусты жұқтырып алды, деп хабарлайды Stan.kz. 

Қытайлық азамат жақында ғана Ухань қаласына сапарлап қайтқан.

 Естеріңізге салайық, жұқпалы індет дәл осы қалада байқалып, жаппай тарала басталған еді. Қазіргі кезде Жапония аумағында тұратын тұрғын ауруханадан шығарылған. Осыған байланысты Жапония билігі жедел түрде дабыл қағып, вирус жайлы ақпарат жинастырумен және оны зерттеумен айналысуды бастап кетіпті. 

Бұған дейін Қытай зерттеушілері ауру тудыратын инфекцияның таралуына себеп болған жайтты анықтаған еді. Қытайлық мамандардың мәлімдеуінше, жұқпалы індетті коронавирустың жаңа түрі тудырған. Ол өкпе қабынуына әсер етіп, адамның басқа да маңызды ішкі мүшелерін зақымдайды. Көп жағдайда дертті жұқтырғандар тыныс алу қызметінің қиындығы мен қалтырауға тап болғандықтарын айтып шағымданыпты.