Әлемде вирус жұқтырған адамдардың саны 2,5 миллионнан асып кетті

Әлемде коронавирусты жұқтыру оқиғаларының саны 2,5 миллионнан асты, деп хабарлайды америкалық Джонс Хопкинс университеті.

Соңғы мәліметтер бойынша, әлемде індет жұқтырғандар саны 2 544 769 адамнан асты, ал 175 621 адам қазірдің өзінде коронавирустық инфекцияның құрбаны болды.

Америка Құрама Штаттары жұқтыру жағдайлары бойынша бірінші орында. Жалпы, АҚШ-та вирус жұқтырған 814 587 жағдай және 43 796 өлім тіркелді.

Испанияда – 204 178 жағдай, 21 282 өлім.

Италияда – 183 957 инфекция, 24 648 адам қайтыс болды.

Францияда 156 522 оқиға тіркеліп, 20 829 адам қайтыс болды.

Германияда 148 174 жағдай тіркелді, қайтыс болғандар саны – 4 961 адам.