Алтынмен апталған қонақ үй ашылды

Вьетнамда 24 карат алтынмен безендірілген алғашқы бес жұлдызды қонақ үй ашылды, деп хабарлайды Skifnews.kz ақпарат порталы Lenta.ru-ға сілтеме жасап.

Ханойдың орталығында орналасқан 25 қабатты Dolce Hanoi Golden Lake қонақүйі ғимаратының бес мың шаршы метрге жуық қасбеті алтын жалатылған материалдармен жабылған. Қонақүйдің құрылысына он жыл уақыт жұмсалыпты.

Ғимараттағы 342 бөлме империялық стильде безендірілген – жиһаздар мен әшекейлерге алтын жалатылған. Мейрамхана, бар және панорамалық бассейн өңделген алтынмен безендірілген. Қонақүй бөлмесінің бағасы тәулігіне 250 доллардан басталады екен.