Әлем 24.06.2020 сағат 14:40

Ким Чен Ын Оңтүстік Кореяға қарсы әскери жоспарын кейінге қалдырды

КХДР өз территориясына Оңтүстік Корея тарапынан келген қағаздарға байланысты кінә таққаннан кейін екі ел арасындағы шиеленіс тағы да қиындады.
Ким Чен Ын Оңтүстік Кореяға қарсы әскери жоспарын кейінге қалдырды
Фото: REUTERS©
Бөлісу
Бөлісу
Бөлісу

КХДР лидері Ким Чен Ын Оңтүстік Кореяға қарсы әскери жоспарын кейінге қалдырды, деп хабарлайды Tengrinews РИА Новостиге сілтеме жасап.

Басылымның мәліметінше, Корея орталық телеграф агенттігі таратқан ақпаратқа қарағанда, КХДР мемлекеттік кеңесінің төрағасы Ким Чен Ын Корея Еңбек партиясының жетінші шақырылымындағы Орталық әскери комитеттің бесінші сессиясының алдын ала отырысын өткізген. Сол кезде Оңтүстікке қарсы бас штаб ұсынған әскери жоспарды кейінге қалдырған.

Отырыста Корея Еңбек партиясы Орталық әскери комитетінің бесінші сессиясында талқыланатын, сондай-ақ "елдің әскери күшін одан әрі нығайтатын мемлекеттік шаралар" белгіленген әскери саясаттағы негізгі жобалар, баяндамалар және қаулылар қарастырылған.

Отырыс бейнеконференция режимінде өткен.

Айта кетейік, КХДР өз территориясына Оңтүстік Корея тарапынан келген қағаздарға байланысты кінә таққаннан кейін екі ел арасындағы шиеленіс тағы да қиындады.

16 маусымда Солтүстік Корея Оңтүстік Кореядағы координациялық бюро ғимаратын жарды. Келесі күні КХДР бас штабы шекаралық аудандарға әскер кіргізетінін және сол жақта оқу-жаттығуды жандандыратынын, сондай-ақ Оңтүстік Кореяға қарсы насихаттау кампаниясын бастайтынын хабарлады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар