Британдық ғалымдар мысырлық жан-жануарлар мумиясы туралы жаңалық ашты

Зерттеушілер ежелгі Египеттегі жануар мумияларының ішін қарап, олардың қалай өлтірілгендерін білді. Bairaq.kz-тің хабарлауынша, ежелгі мысырлықтар біздің эрамызға дейін 700 жыл бұрын адам мәйіттерін ғана емес, сонымен бірге миллиондаған жануарларды, мысықтарды, иттерді, құстарды, жыландар мен қолтырауындарды мумиялаған.

CT сканерлерінің көмегімен британдық ғалымдар тобы үш жануардың мумиясын тапты және оларды тұтастығын бұзбай зерттей алды. Ғалымдар Swansea университетінің мұрағатында сақталған жыландар, мысықтар мен құстардың мумияларын зерттеді. Египетологтардың пікірінше, олар жануарды құрбандық ретінде өлтірген және құдайлар мен тірі адамдар арасында «делдал» болған.

Жыланның бүйрегіндегі кальцийдің көп мөлшеріне сүйене отырып, зерттеушілер оған ұзақ уақыт су берілмеген деген тұжырымға келді. Сірә, бауырымен жорғалаушы омыртқасының сынуынан өлген.

Мысық бес айлық болған, ал рәсім кезінде оның мойнын сындырған. Құстарды мумиялау кезінде «жануарлар тіршілік әрекетінен кейін өмірге келуі үшін» жақтарын ашып қойған.

Ежелгі Египетте жыландарды көптеген құдайлармен байланыстырған. Мысықтар көбінесе құстардың құдайы Бастмен байланысты болды. Құстар болса, Ра және Хорус сияқты аспан құдайларымен байланысты.

Еске сала кетсек, бұған дейін ғалымдар «айқайлайтын» мумияның құпиясын ашқан болатын. Мамандар компьютерлік томографияны қолданды, бұл шамамен 3 мың жыл бұрын қабірге жерленген мысырлық ханшайымның инфаркттан қайтыс болғанын көрсетті.