Әлем 03.10.2020 сағат 18:20

«Түнде мықты шайқас болды»: Армения Әзербайжанның шабуыл жасағанын хабарлады

Жау бұл қапталдарға басты күштерін шоғырландырды және шабуылға көшті.
«Түнде мықты шайқас болды»: Армения Әзербайжанның шабуыл жасағанын хабарлады
фото: aikyn.kz
Бөлісу
Бөлісу
Бөлісу

Армения Қорғаныс министрлігінің өкілі Арцрун Ованнисян сенбіде Әзербайжан қарулы күштері жаңа әсер жібергенін мәлімдеді, - деп хабарлайды Tengrinews.kz, РИА Новости дерегіне сілтеме жасап.

"Жау жаңа күштерді ұрысқа жіберді. Түнде мықты шайқас болды", - деп жазды Ованнисян Facebook-те.

Қарабақтағы қиян-кескі шайқастар солтүстік және оңтүстік бағыттарда жүріп жатыр. Бұл туралы Армения Қорғаныс министрлігінің баспасөз хатшысы Шушан Степанян хабарлады.

"Солтүстік және оңтүстік бағыттарда қызу және табанды шайқастар жүріп жатыр. Жау бұл қапталдарға басты күштерін шоғырландырды және шабуылға көшті. Армения бөлімшелері жаудың алға жылжуын тоқтатып, оған үлкен шығын келтірді", - деп жазды Степанян.

Армения ҚМ Әзербайжанның үш ұшағын жойғанын мәлімдеді.

Сонымен қатар, Әзербайжан Қорғаныс министрлігі Армениямен майданның әртүрлі бағытында қызу шайқас жүріп жатқанын мәлімдеді, жағдай шиеленіске күйде қалды.

"Майдандағы жағдай шиеленіскен күйде қалып отыр. Түнде майданның әртүрлі бағытындағы жаудың жауынгерлік белсенділігі тоқтатылып, оған қатты соққы жасалды. Бүкіл майданда қиян-кескі шайқастар жалғасып жатыр", - делінген Әзербайжан қорғаныс ведомствосының хабарламасында.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар