Әлем 23.12.2020 сағат 10:00

Ташкенттің бір перзентханасында бес жүкті әйел қайтыс болған

Хусанбоеваның ісі бойынша прокуратура тергеу жүргізсе, іс сотқа беріледі.
Ташкенттің бір перзентханасында бес жүкті әйел қайтыс болған
фото: pixabay.com
Бөлісу
Бөлісу
Бөлісу

2020 жылы Ташкент облысындағы Янгиюл медициналық бірлестікке қарайтын ауруханада бес бірдей аяғы ауыр әйел қайтыс болған. Соңғысы – 32 жастағы Шохсанам Хусанбоева 2 қарашада операция үстелінде көз жұмды, деп хабарлайды, centralasian.org.

32 жастағы Шохсанам Хусанбоева 1 қарашада толғақ басталғаннан кейін Аккурган аудандық перзентханаға жеткізілген. Бірақ онда келіншекті қабылдаудан бас тартқан. Осыдан кейін оны туыстары Янгиюл орталық ауруханасына жеткізген.

"Куйичирчик ауданындағы перзентхана карантинге жатқызылды. Оны Зебо Кодирова есімді жас дәрігер қарады. УЗИ-ге түсіріп, бала өліп қалған деді. Біз кәсіби дәрігерді сұрадық. Бірақ аға дәрігерлер тек келесі күні келеді деді. Ол Шохсанамның тамырына анальгин мен димедрол енгізді. Осыдан кейін Шохсанам ұйықтап қалды. Біз оның қан қысымы жоғары екенін айттық. Біз дәрігер болмасақ та, жатырында баласы өлген анаға ұйықтатын дәрі беруге болмайтынын білдік", - дейді марқұмның туыстары.

Шохсанам Хусанбоеваның артында 10 жастағы және 7 жастағы ұлы жетім қалды.

Янгиюл медициналық бірлестігінің өкілі бұл оқиғаны растады.

"Баланы дүниеге әкелу – өте қиын процесс. Оған жоғары білікті мамандар тартылу керек. Биыл жаңа босанған екі әйел коронавирустан қайтыс болды. Тексеру жүргізіліп, жауаптылар жазаға тартылды. Хусанбоеваның ісі бойынша прокуратура тергеу жүргізсе, іс сотқа беріледі", - деді ол.

Шохсанам Хусанбоеваның туыстарының айтуынша, дәрігер Зебо Кодирова кінәсін мойындаған.

ЮНИСЕФ есебінде, Өзбекстанда 100 мың адамға шаққанда, әрбір 29 жүкті әйел көз жұмады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар