$ 444.22 € 476.38 ₽ 4.82
Бөлімшелер ұшақ, тікұшақ және танктерді қолданып сектордағы нысанаға оқ жаудырды. Билік 9000 резервшіні шекараға дейін тартып, жұмылдырды. Әскерлердің Газаға әлі кірмегені анықталды. Палестина денсаулық сақтау министрлігінің мәліметі бойынша, 103 палестиналық, соның ішінде балалар Газада атыс кезінде қаза тапты.
Жүздеген адамдар зардап шекті. ХАМАС та кек қайтарды. Израильдің оңтүстігіндегі Ашдод және Ашкелон қалалары бағытында ондаған зымыран атылды.
Жергілікті ақпарат құралдарының хабарлауынша, аймақта тұратын көптеген палестиналық отбасылар үйлерін тастап кетуге мәжбүр болған.
"Мен ашық айтайын. Бұл қақтығыстағы кез келген өлім қайғылы оқиға, бейбіт тұрғындарға бағытталған зымырандар мен бомбалардың бәрі әскери қылмыс болып саналады. Мен төсек астына жасырынуға мәжбүр болған әр баланың ауырсынуын сеземін, өйткені олар өз өмірлерінен қорқады", -деді АҚШ Конгресінің мүшесі Ильхан Омар.
