Науқастар көзінен айырылады: Қара зең Мысырға дейін жетті

Мысырда жеті адамның мұрынына, көзіне және тыныс алу органдарына әсер ететін қорқынышты инфекция диагнозы қойылды.

Фото: ашық дереккөз

Бұған дейін қара зең Үндістанға шабуыл жасаған болатын. Дәрігерлер инфекция миға енбеуі үшін жұқтырған науқастардың көзін алып тастауға мәжбүр. Қара зеңмен ауыратын науқастардың шамамен 60%-ы көзін алғызды.

Елдің солтүстігіндегі Заказик университетінің ректоры Осман Шаалян қара зең ауруы Мысырда да анықталғанын айтты, деп жазды "Аль-Ахрам" басылымы.

"Жұқтырған үш адамға қара зеңмен зақымдалған мүшелерді алу операциясы жасалды, біреуі ауыр халде, қалғандарының жағдайы тұрақты", - деді ректор.

Қара зең топырақ, шаң және органикалық деградация өнімдерінде кездеседі. Көбінесе адам ағзасына механикалық желдеткіш қондырғылар арқылы енеді.