Әлем 16.07.2021 сағат 17:40

АҚШ өзіне қызмет еткен ауғанстандықтарды алып кетеді

Президент Байденнің бұйрығымен «жақтастарды қорғау» операциясы шілденің соңғы аптасында басталмақ.
АҚШ өзіне қызмет еткен ауғанстандықтарды алып кетеді
Фото: ашық дерекөз
Бөлісу
Бөлісу
Бөлісу

Америка Құрама Штаттары өзі бастаған әскери күштерге қызмет еткен (аудармашы,  көмекші немесе жол бастаушы болған) ауған азаматтарын эвакуациялауды бастайды. Президент Байденнің бұйрығымен «жақтастарды қорғау» операциясы шілденің соңғы аптасында басталмақ.

«Талибан» күштері елдегі аумағын кеңейтіп жатқан кезде,  шетелдік күштерге қызмет еткен ауған азаматтарының өміріне қауіп арта түсті. Тәліптер  оларды  сатқын ретінде жазалайды деген болжам бар. «Рейтер» ақпараттық агенттігі аты-жөнін атағысы келмеген америкалық лауазымның мәліметіне сілтеме жасай отырып, бастапқыда 2500 адамның эвакуацияланатынын, олар АҚШ визасын алу бойынша документтері қаралып болғанға дейін АҚШ немесе үшінші елдің әскери мекемелерінде болатынын жазған.

Естеріңізде болса,  9 мың ауған азаматын қабылдау бойынша Құрама Штаттар Қазақстанды қамтыған бірқатар Орта Азия елдеріне өтініш жасаған болатын. Алайда,  аймақ елдері бұл мәселе бойынша белсенділік танытқан жоқ.

Кеше,  15 шілде Ташкентте  Орта Азия елдері мен АҚШ ортасындағы С5+1 форматтағы диалогтың кезекті отырысы өтті. Онда да осы мәселенің қайталай талқыланғаны сөзссіз. 

qazaqtimes.com

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар