$ 449.58  486.94  4.86

Елден кеткен Ауған басшысы үндеу жолдады

Бүгін мен қиын таңдау жасадым.

Жексенбіде Ауғанстан президенті Ашраф Ғани Facebook-тегі парақшасында қантөгісті болдырмау үшін елден кеткенін мәлімдеді. Бұл туралы ВВС агенттігі хабарлады.

«Бүгін мен қиын таңдау жасадым. Ол - сарайға басып кіруге ұмтылған қарулы тәліптермен бетпе-бет кездесу немесе соңғы 20 жылымды қорғауға арнаған тамаша елімді тастап кету», - деп жазады президент. 

Ганидің пайымдауынша, егер ол Ауғанстанды тастап кетпесе, тәліптер Кабулға шабуыл жасар еді. Тиісінше, бұл бейбіт тұрғындардың қан төгуіне соқтырады. 

Ел басшысының айтуынша, тәліптер "қылыш пен қару-жарақ шайқасында" жеңіске жетті және енді өз отандастарының намысы мен байлығын қорғауға толық жауапкершілікті алады. 

«Бірақ олар жүректерді жаулай алмады және заңды бола алмады. Тарихта бұрын-соңды ешкімге заңдылықты берген бір билік болған емес. Оларға да бермес», - деп жазды Ғани.

Бұдан бұрын хабарланғандай, «Талибан» өкілдері Ауғанстан астанасы Кабулға кірді.

Еске салсақ, бұған дейін Мемлекет басшысы Қасым-Жомарт Тоқаев Ауғанстандағы жағдай бойынша күштік құрылымдардың басшыларымен жиын өткізгені туралы хабарланды.

ult.kz

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары

Тегтер:

#Ауғанстан