Әлем 27.11.2021 сағат 12:09

Зеленский Украинада мемлекеттік төңкеріс жоспарланып жатыр деп мәлімдеді

Ол бұл мәселеге олигарх Ринат Ахметов араласуы мүмкін екенін айтты.
Зеленский Украинада мемлекеттік төңкеріс жоспарланып жатыр деп мәлімдеді
Фото: ашық дереккөз
Бөлісу
Бөлісу
Бөлісу

Украина президенті Владимир Зеленский елде төңкеріс жасау ықтималдығы туралы ақпарат алғанын және олигарх Ринат Ахметов бұл мәселеге араласуы мүмкін екенін айтты, - деп хабарлайды Tengrinews.kz тілшісі "Украинская правда" басылымына сілтеме жасап.

"Біз 1-желтоқсанда елде мемлекеттік төңкеріс болады деген ақпарат алдық. 1-2 желтоқсан... Бұл барлау ақпараты ғана емес, сонымен қатар дыбыстық ақпарат, онда Украина өкілдері Ресей өкілдерімен Ринат Ахметовтің Украинадағы мемлекеттік төңкеріске қатысуын талқылайды, оған миллиард доллар тартылады және т.б.

Бұл Ахметовті Украина мемлекетіне қарсы соғысқа тартып, қорлау. Ол бастаса, бұл оның үлкен қателігі болады, өйткені халыққа қарсы және халық сайлаған президентке қарсы шығуға болмайды. Айналасындағылар оны қақтығысқа тартты деп ойлаймын...", - деді Зеленский 26 қарашада өткен баспасөз марафонында. 

"Мен сабырлымын, ол бұл туралы білмеуі мүмкін деген ойдамын. Немесе біледі. Мен Ринат Ахметовті ақпаратты тыңдауға шақырамын. Немесе тиісті органдарға...

Мен Янукович емеспін, ешқайда қашпаймын. Мен ол күні жиналатындардың бәрін күтемін", - деп қосты ол.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар