Әлем 13.03.2022 сағат 18:24

НАТО: Ресей химиялық қару қолдануы мүмкін

Ресейдің өзі химиялық қару қолданатын операциясын жоспарлап жатқан болуы мүмкін.
НАТО: Ресей химиялық қару қолдануы мүмкін
Бөлісу
Бөлісу
Бөлісу

Ресей Украина аумағында химиялық қару қолданатын операция жоспарлауы мүмкін. Немістің Welt am Sonntag басылымына берген сұхбатында НАТО бас хатшысы Йенс Столтенберг осылай деп мәлімдеді.

Столтенбергтің айтуынша, Кремль өз шабуылын ақтау үшін Украинадағы "биологиялық қару шығаратын зертханаларға" көптің назарын аудартып отыр.

"Енді осындай жалған мәлімдемелер жасалғаннан кейін біз өте сақ болуға тиіспіз, себебі осы жалған тұжырымды пайдалана отырып, Ресейдің өзі химиялық қару қолданатын операциясын жоспарлап жатқан болуы мүмкін" деді НАТО бас хатшысы.

Егер Ресей химиялық шабуыл жасаса, онда бұл әскери қылмыс болады деді ол.

Осыған дейін Ресей сыртқы істер министрлігі Украина Ресей шекарасына жақын жерде арнайы биозертханаларда биологиялық қарудың компоненттерін дайындады деп мәлімдеген.
Украина қарулы күштерінің мәліметінше, Ресей армиясы соғыста 12 мыңнан астам солдатынан айырылған. Әскери сарапшылар 2-4 мың аралығында Ресей солдаты қаза болды деп санайды. Ал Ресей қорғаныс министрлігі одан да аз көрсеткішті айтады.

Бір күн бұрын Украина президенті Владимир Зеленский шетел журналистеріне 24 ақпаннан бері шамамен 1300 украин жауынгері қаза болды деп мәлімдеген.

azattyq.org

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар