Бүгінгі сөз 26.01.2018 сағат 03:51

Ақтөбелік ардагер мұғалім ер балалардың қыз мінезді болып бара жатқанына алаңдады

Қоғамда қыз мінезді азаматтар көбейіп кетті деп есептейтін ақтөбелік еңбек ардагері, ер балаларға білім беретін ұстаздар ер адамдар болуы тиістігін айтуда. Бұл туралы Қазақпарат жазды.

Бөлісу
Бөлісу
Бөлісу

Бүгін Ақтөбе қаласының тұрғыны Көшкінбай Ахметов өңірдің 2017 жылғы әлеуметтік-экономикалық қорытындысына арналған кеңеске қатысып, облыс әкімі Бердібек Сапарбаевқа сауал қойды.

«Қазір қыз мінезді ұлдар көбейіп барады. Себебі, балабақшада әйелдер тәрбиелейді, мектепте әйелдер сабақ береді. Колледж бен өзге оқу орындарда тағы да әйелдер басым. Бұл болашақта ер балалардың шешім қабылдауына кері әсерін тигізеді. Экономика, өндіріске барған ер азаматтардың нақты шешім қабылдай алмауы мүмкін. Сондықтан балабақшадан бастап балаларды ер мінезді етіп тәрбиелеуіміз керек. Демек жоғары оқу орындарындағы педагогика мамандығына ер балаларды қабылдап, оларға квота бөлген жөн. Әрі мұғалім болып жұмыс істейтін ер адамдардың жалақысын көтеру қажет. Мектептерге ер адамдарды жұмысқа қабылдаған дұрыс. Арнайы бағдарлама қабылдасақ, ер мінезді азаматтар экономикамыздың өсіміне септігін тигізер еді»,- деді ардагер Көшкінбай Ахметов.

Ардагердің өтініші мен ұсынысын тыңдаған өңір басшысы Бердібек Сапарбаев әр адам бәрін өзінен бастау керектігін жеткізді.

«Әр адам өзінен бастау керек. Біз ұсынысты ескеріп, сізбен келісеміз. Мемлекет басшысы Нұрсұлтан Назарбаев та мұғалімдердің еңбекақысын көтеруге Үкіметке тапсырма берді. Қаңтар айынан бастап мұғалімдердің жалақысы көтерілді. Ал ер балаларды педагогика саласына тарту үшін бәріміз бірге жұмыс істеуіміз керек»,- деді облыс әкімі.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар