$ 449.58  486.94  4.86

Н.Назарбаев латын әліпбиіне көшу туралы жарлыққа қол қойды

Қазақ тілі ақыры латын графикасына көшетін болды. Бүгін Мемлекет басшысы Нұрсұлтан Назарбаев осындай жарлыққа қол қойды деп жазады Ақорданың ресми сайты. Құжаттың мазмұны төмендегідей.

Қазақ тілі әліпбиінің кириллицадан латын графикасына көшірілуін қамтамасыз ету мақсатында ҚАУЛЫ ЕТЕМІН:

1. Қоса беріліп отырған латын графикасына негізделген қазақ тілі әліпбиі бекітілсін.

2. Қазақстан Республикасының Үкіметі:

Қазақ тілі әліпбиін латын графикасына көшіру жөніндегі ұлттық комиссия құрсын;

қазақ тілі әліпбиінің 2025 жылға дейін латын графикасына кезең-кезеңімен көшуін қамтамасыз етсін;

осы Жарлықты іске асыру жөнінде өзге де, соның ішінде ұйымдастырушылық және заңнамалық сипаттағы, шаралар қабылдасын.

3. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін.

4. Осы Жарлық қол қойылған күнінен бастап қолданысқа енгізіледі.


Қазақстан Республикасының
Президенті                                                                                 Н.Назарбаев


Астана, Ақорда, 2017 жылғы 26 қазан
№ 569

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары