$ 448.15  483.46  4.86

Қостанай облысында 3 жасар сәби менингит дертіне шалдықты

Бөбекжай, баланың ата-анасы мен жақын туыстары, тұратын мекені түгел тексеріліпті. Алайда, жұқпалы ауру тасымалдаушылар анықталмаған көрінеді.
фото: tengrinews.kz
фото: tengrinews.kz

Тобыл өңірінде 3 жастағы бүлдіршін менингит ауруын жұқтырды. Қазір ол облыстық балалар ауруханасында емделіп жатыр, деп хабарлайды «Астана» телеарнасы.

Жұқпалы індет жұқтырған сәби Лисаков қаласынан жеткізілген. Облыстық тауарлар мен қызметтердің сапасы және қауіпсіздігін бақылау департаменті дереу індеттің қайдан шыққанын анықтауға кіріскен.

Бөбекжай, баланың ата-анасы мен жақын туыстары, тұратын мекені түгел тексеріліпті. Алайда, жұқпалы ауру тасымалдаушылар анықталмаған көрінеді. Мамандар мұндай жағдай аймақта соңғы рет алты жыл бұрын тіркелгенін айтады.

«Қазіргі уақытта бала емделуде. Жағдайы қанағаттанарлық, оң динамика байқалады, сауығу үстінде. Онымен байланыстағы науқастар мен менингкокцемия тасымалдаушылары арасында анықталған жоқ», - дейді Қостанай облысы Тауарлар мен қызметтер сапасы және қауіпсіздігін бақылау департаментінің бас маманы Мадина Сәкенова.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары