Денсаулық 27.05.2020 сағат 20:45

Бүгін Атыраудағы Теңіз кенішінде 20 жұмысшыдан КВИ анықталды

«Қауіпті індет Теңіз кенішінде жұмыс істеген 16 ер адам мен 4 әйелден анықталды. Сонымен бірге, Құрманғазы ауданының 48 жастағы тұрғыны бұрын індет жұқтырғанмен байланыста болған», - деп хабарлады жедел штаб.
Бүгін Атыраудағы Теңіз кенішінде 20 жұмысшыдан КВИ анықталды
фото: m.azh.kz
Бөлісу
Бөлісу
Бөлісу

Бүгін Атырауда Теңіз кенішінің 20 жұмысшысынан коронавирус инфекциясы анықталды. Ал 25 жұмысшы қауіпті індеттен айықты, деп хабарлайды ҚазАқпарат.

Өңірлік жедел штабтың мәліметіне сүйенсек, өткен тәулікте 21 адамнан қауіпті індеттің белгісі анықталған. Оның ішінде Теңіз кенішінің 20 жұмысшысы бар. Ал тағы бір науқас Құрманғазы ауданының тұрғыны болып шықты.

Сондай-ақ, бүгін коронавирус инфекциясынан 26 адам жазылып шыққан. Пациенттердің 25-і –Теңіз кенішінің жұмысшылары. Ал біреуі Атырау қаласының 52 жастағы тұрғыны екен.

«Қауіпті індет Теңіз кенішінде жұмыс істеген 16 ер адам мен 4 әйелден анықталды. Сонымен бірге, Құрманғазы ауданының 48 жастағы тұрғыны бұрын індет жұқтырғанмен байланыста болған. Бәрі инфекциялық стационарға жатқызылып, алгоритмге сәйкес ем қабылдауда.

Ал бүгін қауіпті індеттен айыққандардың бәрі өздерін жақсы сезінеді. Олардан коронавирустың бар-жоғын анықтау үшін алынған соңғы тест теріс нәтиже көрсетті», - деп хабарлады жедел штабтан.

Бүгін Атырау облысында коронавирус инфекциясын жұқтырғандар 944 адамға жетті. Ал жазылып шыққан пациенттердің саны 262 адамды құрады. 

Еске сала кетcек, бұған дейін облыс әкімі Махамбет Досмұхамбетов Теңіз кенішіндегі ахуал тұрақталса, жұмысшылар жұмыс орнына оралатынын айтқан еді. Сондай-ақ, Атырауда коронавируспен күреске 1 млрд теңгеден астам қаржы жұмсалған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар