«Дәрігерлердің толық бақылауындамын»: Бекболат Тілеухан да коронавирус жұқтырып алды

«Қазір вирустың таралу ықтималдығы артты. Сондықтан азаматтарды сақтық шараларын қатаң сақтауға шақырамын», - дейді ол.

Бүгін Мәжіліс депутаты Бекболат Тілеухан да коронавирус індетін жұқтырып алғанын мәлімдеді, деп хабарлайды Skifnews.kz ақпарат порталы.

«Қадірлі ағайын!
Соңғы күндері көп азаматтар денсаулығыма алаңдаушылық білдіріп, хабарласып жатыр. Әлемдік пандемия салқыны маған да тиді. Коронавирусқа тапсырған тест оң нәтиже көрсетті.

Алдымен үй жағдайында ем қабылдап бастаған едім. Қазір ауруханада дәрігерлердің толық бақылауындамын. Тиісті ем шараларын қабылдап жатырмын. Дәрігерлер атаған COVID симптомдарын бастан өткерудемін.

Қазір вирустың таралу ықтималдығы артты. Сондықтан азаматтарды сақтық шараларын қатаң сақтауға шақырамын. Төтенше жағдай режимі аяқталғанымен, карантин әлі бітпеді. Аман болайық!» деп жазды ол өзінің Instagram парақшасына.

Тағы оқи отырыңыз: «Жұрт тілін шығарып күлсе, қандай күйде боласың?»: Берік Уәлидің өзі ғана емес, ата-анасы да коронавирус жұқтырған

Оқырмандары жазба сатына оның пандемияға шалдыққанына сенетіндігін және сауығып кетуін тілеген пікірлер қалдыруда.