Денсаулық 04.08.2020 сағат 23:34

Павлодар облысында провизорлық орындар жабылып жатыр

Облыс көлемінде жедел жәрдемге түсетін шақырулар саны 50 пайызға азайған. Осыған байланысты 750 провизорлық орын жабылды.
Павлодар облысында провизорлық орындар жабылып жатыр
фото: inbusiness.kz
Бөлісу
Бөлісу
Бөлісу

Павлодар облысында жедел жәрдемге түсетін шақырулар саны 50 пайызға азайды. Бұл туралы онлайн аппараттық жиында облыс әкімінің орынбасары Айзада Құрманова мәлім етті деп хабарлайды Pavlodarnews.kz.

«Өткен аптада Мойылдыдағы провизорлық 500 орын, Ақсудағы «Еуразия» медициналық орталығындағы 80 орын, «Баянтау» спорт сарайындағы 150 орын жабылды. Қазіргі уақытта провизорлық орындардың 26,5%-інде науқастар жатыр», – деді Айзада Құрманова.

Сонымен қатар шілде айының басында жедел жәрдемге келіп түсетін шақыру саны 1128 болса, бұл көрсеткіш 50%-ке қысқарып, өткен тәулікте 565 шақыруға азайған. Облыс аумағында карантин талаптарын 30 мониторинг тобы бақылайды. 27 шілде мен 2 тамыз арасында 30 тексеру жүргізіліп, 27 ереже бұзушылық анықталған. Аталған фактілерге қатысты 19 әкімшілік құқықбұзушылық хаттамасы толтырылды.

Облыс әкімі Әбілқайыр Сқақов өңірде коронавирусқа қатысты жағдай тұрақталып келе жатқанымен босаңсуға болмайтынын атап өтті.

«Күзге дайындалуымыз керек. Тәжірибеміз бар. Нақты шаралардың жоспарын құрып, күз келмей тұрып дәл қазір не істейтінімізді, медицина саласының толық дайындығы үшін қандай қосымша амал қолданатымызды бекіту қажет», – деді облыс әкімі.


 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар