COVID-19: әлемде індеттен көз жұмғандар саны миллионға жуықтады

Жексенбі күнгі мәлімет бойынша, әлемдегі коронавирус құрбандарының саны 920 мыңнан, ал вирусты жұқтырғандар 28,7 миллионнан асты. Бұл туралы Джонс Хопкинс университеті хабарлады, деп жазады Skifnews.kz ақпарат порталы.

Әлемдегі инфекция жұқтырушылар саны 28 759 036-ға жетті. Ал көз жұмғандар 920 231-ге дейін өсті.

Науқастардың ең көп саны АҚШ, Үндістан және Бразилияда тіркелген. Бұл елдердің әрқайсысында инфекция жұқтырғандар саны 4 миллионнан асты, АҚШ-та – 6 миллион.