Алматыда газ бағасын негізсіз көтерген компанияға 78 млн теңге айыппұл салынды

Алматы қаласының прокуратурасымен тауарлық газға тариф төмендетіліп, 11 мың тұтынушының құқығы қорғалды. 

Қалалық прокуратураның мәліметінше, тексеру кезінде "APL Construction" ЖШС-де бекітілген тарифтік сметаның бұзылуы, сондай-ақ орамішілік газбен жабдықтау желілеріне қосылу кезінде үстем жағдайды теріс пайдалану жағдайлары анықталған. 

"Қала прокуратурасының қадағалау актісі бойынша тариф 1 мың текше метр үшін 6 362,77 теңгеден 5 999,08 теңгеге дейін төмендетілді (5,7%-ға), 184 млн теңге сомасына өтемдік тариф енгізілді. Бұдан басқа монополист ҚР Әкімшілік құқық бұзушылық туралы Кодексінің 159-бабы 3-1 және 164-бөлігі 4-бөлігі бойынша жауапкершілікке тартылып, 78 млн теңге айыппұл өндірілді", - делінген хабарламада.

Еңбекшіқазақ және Панфилов аудандарындағы 11 мың тұтынушының, оның ішінде 300-ден астам кәсіпкердің құқығы қорғалды.