Экономика 12.08.2014 сағат 09:00

Қостанайдағы ірі қара мал аукционы 18 250 000 теңге жинады

Ағымдағы жылдың 7 тамызында Қостанай облысы Қарасу ауданы Восток ауылында өткен «KARASU Farm-2014» аукционы барысында жалпы құны 18 250 000 теңгені құрайтын 34 бас отандық асыл тұқымды ірі қара мал сатылды, деп хабарлайды Baq.kz.

Бөлісу
Бөлісу
Бөлісу

Аукционды ұйымдастырған - «ҚазАгро» ұлттық холдингісінің еншілес «Қазагромаркетинг» АҚ компаниясы.

Аукцион барысында қазақтың ақбас және әулиекөл тұқымдарына жататын ірі қара мал сатылымға шығарылды. Бұл жерде шаруа қожалықтары өнімділік қасиеттері жоғары ең сапалы жануарларды сатып ала алды. Мал басы тез қоң жиып, жеңіл төлдеуге, жайылымдарда бағылуға бейімделген.
«Қазагромаркетинг» өкілдерінің сөзіне қарағанда, «KARASU Farm» аукционы екінші мәрте өткізіліп отыр, былтыр алғашқы аукцион өткен болатын.

Мұндай іс-шаралар әлбетте еліміздегі асыл тұқымды мал шаруашылығын дамытуға өзінің оң үлесін қосуда, себебі аукцион барысында отандық шаруа қожалықтары өзара тәжірибе алмасып, генетикалық жағынан ең құнды малды сатып алу мүмкіндігіне ие болады.

Өткізілген аукционға 13 шаруашылық қатысты. Сатылымға 50 бас ірі қара, оның ішінде 35-і қазақ ақбас және 15-і әулиекөл тұқымына жатады. Жоғарыда айтылғандай, нәтижесінде 34 бас ірі қара сатылды, оның ішінде 25-і - қазақ ақбас және 9-ы әулиекөл тұқымының - ірі қарасы.

Ең жоғары бағамен сатылған малдың құны 700 мың теңгені құрады (3 бас). Қалған мал мынадай бағамен өткізілді: 650 мың (1 бас), 600 мың (5 бас), 550 мың (6 бас), 500 мың (15 бас), 450 мың (4 бас) теңге.

Малды сатып алғандар: облыстың Алтынсарин ауданының «Хамит», «Достияров», «Рамазанов» шаруа қожалықтары (ШҚ), облыстың Қарасу ауданының «Авгубаев», «Байжанов» ШҚ, Қостанай қаласының «Қостанайавтотранс» ЖШС мен облыстың Ұзынкөл ауданының «Көшербаев» ШҚ-тары.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар