Астанада «ЭКСПО» арқылы өтетін маршруттар 103 жаңа автобуспен толығады

«ЭКСПО-2017» халықаралық мамандандырылған көрмесін өткізу кезінде ЭКСПО көрме орталығы арқылы қатынайтын 11 қоғамдық көлік 103 жаңа автобуспен толығатынын хабарлады, Астана әкімдігінің медиа орталығы.

Қала әкімдігіндегі брифингте бұл шаралар автобустар арасындағы қозғалыс интервалын 10-15 минуттан 5-7 минутқа дейін қысқартатыны айтылды.

Бұдан бөлек, бұл қоғамдық көліктің күнделікті тасымалдау мүмкіндігін 150 мыңнан 260 мың адамға дейін арттырады.