16.10.2018, 09:42

Қазақстандық әйел: «Ағамнан жүкті боп, анамнан қорлық көрдім»

Ақмола облысының тұрғыны жас кезінде ағайынды ағасынан жүкті болып қалғанын, өгей анасы ол туралы білмес үшін ішін тартып байлап жүргенін айтып берді. Ал анасы қызына жақсы қарым-қатынас жасамаған, тіпті, бір күні бойжеткеннің үстіне қайнаған ыстық су құйып жіберіпті деп жазады NUR.KZ.

Оқиға Немолчи.kz қозғалысының көшбасшысы Дина Смаилованың парақшасында жазылған. Онда көпбалалы ана өз басынан өткен сұмдық жайттарды айтып береді.

Бес балалы жанұяда ол екіншісі болған. Атасы мен апасының тілегімен қызды немере ағасының үйіне беріп жіберген екен. Алайда ағасы әйелі ұлына екіқабат болған кезде қайтыс болып кетіпті.

Осылайша, кейіпкер бала кезінде өз апайының қолына кетеді. Ал ол өгей қызын киіндіріп, тамақтандырып, өзінің биологиялық туыстарына әкеп жүріпті.

Бірақ қыздың тәрбиесімен өгей шешесінің анасы мен әжесі айналысқан екен. Алайда сегіз жылдан соң, күйеуге екінші рет тиген әйелдің өз баласы туылғаннан кейін қарым-қатынас өзгере бастапты.

Ол асыранды қызын ұрып, тіпті, нанның тілімін ғана беріп қинаған екен.

Үнемі немересін қорғап жүретін әжесі жақын күндері қайтыс болып, балақай қорғансыз болып қалады. Мектепте ол ешкіммен сөйлеспей, тек ауыр жұмыстарды орындаған. Алайда оның анасының өзіне деген қарым-қатынасы өзгере қоймаған екен.

Күндердің күнінде ол тіпті қызды пышақпен тілімдеп, қолында тыртық қалдырыпты.

Ал әкесі қайтыс болғанда ата-әжесінің қолына кеткен үйдің үлкен ұлы, яғни, қыздың немере ағасы әскерден келген соң өз әкесінің үйіне оралады. Сол уақытта ол психодиспансерде отырып шығып, анасына қызды ұруға көмектесіп жүрген екен.

Ал кейіннен ол қызды зорлай бастаған. Бойжеткен өзіне бірнеше рет қол салуға да бел буыпты.

Бір күні ол өзінің аяғы ауыр екенін байқайды. Мектепті енді бітірген ару өзінің жағдайы туралы ешкімге айтпауды жөн санайды. Ал тура босанатын сәт келген кезде анасы қыздың жүктілігін бәрібір біліп қойған.

Кейін қыз екі жақтан да қысым көре бастайды. Оған қол көтермеген тек қана өзі өсірген кішкентай інісі болады.

Бір күні ағасы оны өлімші етіп сабап тастаған. Сол уақытта анасы қыздың есі ауысқанын тексеріп көру үшін қолына қайнаған ыстық су құю қажеттігін айтады.

Өгей қыздың шыдамы аллюмин сымымен ұрған кезде бітеді. Ол сол күні үйден кетіп қалады.

Үш күн бойы вокзалда тамақсыз өмір сүрген қыз бір күні адамдардың кафеде тамақтанып отырғанын көріп, шыдамай даяшыдан қалған нандарды сұрап алады.

Вокзалда полицейлер құжат тексеретін болғандықтан, ол онда көп тұрақтамаған.

Ал жұмыс табу қиындық тудырған соң, ару өзін туған әке-шешесіне жіберуді сұрайды. Оның баласы өз әкесімен бірге қалыпты.

Кейіннен ару Алматыға көшіп келіп, осында 15 жыл өмір сүрген екен. Мұнда ол университет бітіріп, алты баланың анасы болып отыр.

Алайда, оның тағы бір баласы бар екенін күйеуі білмейді екен. Келіншек жұбайы алғашқы баласының қалай дүниеге келгенін білсе, өмірі мүлде өзгеріп кете ме деп қорқады екен.

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

   

Skifnews жаңалықтарын Facebook-те
оқу үшін "Нравится" белгісін басыңыз

  

 

©2016-2018 Skifnews.kz. Авторлық және жарнама құқықтар толығымен сақталады.