15.05.2018, 15:53

Шымкентте мектеп оқушысы терроризмді насихаттағаны үшін сотталып кетті

Мамырдың 15-і күні Оңтүстік Қазақстан облыстық кәмелетке толмағандардың істері жөніндегі мамандандырылған ауданаралық соты Сайрам ауданы, Қарабұлақ ауылының №10 мектеп оқушысы Шахзат Исмаиловты "терроризмді насихаттау" және "діни алауыздық қоздыру" баптары бойынша кінәлі деп тауып, төрт жыл мерзімге бас бостандығынан айырды.

Бұл туралы Азаттыққа мамырдың 15-і күні ОҚО кәмелетке толмағандардың істері жөніндегі мамандандырылған ауданаралық сотының төрағасы Қайрат Қоңырбаев хабарлады.

Оның мәліметінше, айыпталушы сот залынан қамауға алынған. Жазаны қылмыстық-атқару жүйесінің орташа қауіпсіздік мекемесінде өтейді. Адвокаты Нұрлан Қангелдиевтің айтуынша, айыпталушының туыстары сот үкіміне келіспей, апелляциялық сот алқасына шағым түсірейін деп отыр.

2017 жылы 16 қарашада Ұлттық қауіпсіздік комитетінің Оңтүстік Қазақстан облысындағы департаменті мен ішкі істер органдары бірлесіп, Сайрам ауданының он бір тұрғынын ұстаған.

Оларға ҚР Қылмыстық кодексінің 256-бабының 2-бөлігі ("Терроризмдi насихаттау немесе терроризм актiсiн жасауға жария түрде шақыру") және 174-баптың 1-бөлігі ("Әлеуметтiк, ұлттық, рулық, нәсiлдiк, тектік-топтық немесе дiни алауыздықты қоздыру") бойынша айыптар тағылған еді.

Telegram-каналға жазылып, бәрінен хабардар болыңыз!

Тағы да оқыңыздар:
Загрузка...
SN туралы      Жарнама

      info.skifnews@gmail.com

«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.

   

Skifnews жаңалықтарын Facebook-те
оқу үшін "Нравится" белгісін басыңыз

  

 

©2016-2018 Skifnews.kz. Авторлық және жарнама құқықтар толығымен сақталады.