Нұрлы жол 24.06.2017 сағат 04:53  439

Алматылық тауар өндірушілерге Қытайдың нарығы ашылды

«ЭКСПО-2017» іс-шарасын өткізу шеңберінде Чжэцзян шет аймағы Халықтық үкіметінің вице-губер­наторы Лян Лиминь бастаған 77 кәсіпорыннан тұратын қытай деле­гациясы Алматы қаласына жұмыс сапарымен келді деп хабарлайды қала әкімдігінің баспасөз қызметі.

Бөлісу
Бөлісу
Бөлісу

Қазақстан-Қытай сауда инвестициялық форумының барысында мегаполис басшылығы өңірдің миллиардерлер саны бойынша әлемнің екінші көшбас­шысы болып табылатынын айта келіп, шет аймақтың келешегін атап өтті. Жекелей алғанда, шет аймақта AlіExpress саудалық интернет-алаңының кеңсесі орналасқан.

ІT-индустриясының дамуын назарға ала отырып, Алматы қаласы Кәсіпкерлік және индустриалды-инновациялық даму басқармасы, «Инновациялық техноло­гиялар паркі» дербес кластерлік қоры және «ZhejіangJumoreE-commerceCo., Ltd» ком­паниясы ынтымақтастық туралы Мемо­рандумға қол қойды.

Осылайша, Алматы кәсіпкерлерінің өнімдері қытайдың «Jumore» электрондық сауда алаңына шығарылатын болады. «Jumore» платформаішілік онлайн-ресур­сындағы қазақстандық, жекелей алғанда, алматылық тауар өндірушілерінің арнайы секциясы сайтта бөліп көрсетілетін болады.

Екіжақты ынтымақтастықты нығайту туралы айтатын болсақ, мегаполис басшы­лығы қытай тарапын Алматыдағы өндірісті оқшаулауға және импорт ауысты­ры­лымына қатысуға шақырды. Бұл үшін қалада барлық жағдайлар жасалған, заңнама деңгейінде инвесторларды қолдау бойынша шаралар кешені қабылданды. Мысалы, инвесторларға 8-10 жыл мерзімге салықтық жеңілдіктер, күрделі шығын­дардың 30%-ға дейінгі өтемі, шетелдік жұмыс күшінің жеңілдетілген әкелімі, «бір терезе» қағидаты бойынша мемлекеттік қызметтер және т.с.с. ұсынылуы мүмкін.

Жекелей алғанда, қытай қонақтары өздерінің өнімдерін барлық қажетті инфра­құрылыммен жабдықталған Индустриалды аймақта орналастыруға шақырылды. Онда 40 компания орналасқан, бұл жобалардың төрттен бірі шетелдіктердің қатысумен іске асырылуда.

«Инновациялық технологиялар паркі» арнайы экономикалық аймағының аума­ғында инновацияны дамыту үшін арнайы қолайлы жағдайлар жасалған, артық­шылықтар көзделген, сондай-ақ, онда 150-ден астам ғылымды қажетсінетін және инновациялық кәсіпорындар табысты түрде жұмыс істейді.

Қазақстан мен Қытай арасындағы тауар айналымының төрттен бірінің (7,8 млрд. АҚШ доллары) тек Алматы қаласына тие­сілі екенін атап өтеміз. 2016 жылы бұл көрсеткіш 2 млрд. АҚШ долларын құрады. Қытай Ресейден кейінгі бас сауда серік­тестігі болып табылады. Ағымдағы жылдың тек 3 айының ішінде өзара тауар айналымы 22%-ға (545,7 млн. АҚШ долларынан 698,9 млн. АҚШ долларына дейін) өсті. Қалада қытай капиталының қатысуымен шамамен 300 бірлескен кәсіпорын және шамамен 1500 кәсіпорын тіркелген.

Оқи отырыңыз

‡àãðóçêà...

Соңғы жаңалықтар