Нұрлы жол 01.09.2017 сағат 11:43  744

Қазақстан қасиетті жерлерінің картасына Алматының 5 нысаны кірді

Мемлекет басшысының «Болашаққа бағдар: рухани жаңғыру» мақаласында көрсетілген басым алты бағыттың барлығы елімізде жүзеге асырыла бастады. Солардың бірі – «Қазақстанның қасиетті жерлерінің картасын» әзірлеу. Бұл жұмысты жүзеге асыру үшін Астанадан және аймақтардан жұмыс топтары құрылға болатын. Олар барлық облыстардағы киелі орындардың тізімін жинақтап, артынша 100 орынның картасын әзірлейді. Сол тізімге Алматы қаласының өзінен 5 нысан кіріп отыр. Олардың әрқайсысы өзінше тарихи мәнге ие. Құнды әрі киелі орын саналатын жерлерді «Қасиетті Қазақстан» орталығы іріктеген.

Бөлісу
Бөлісу
Бөлісу

Атласқа Райымбек батыр кесенесі, Тәуелсіздік монументі мен Тәуелсіздік таңы, Ахмет Байтұрсынов музейі, Вознисен шіркеуі және Боралдай сақ қорғаны сынды киелі жерлер енді. Тарихшылардың сөзінше, аталған орындардың әр қайсысы тарихи құнды орындар. Соның бірі – Боралдай сақ қорғаны. Мұндағы қорғандар әлі күнге дейін қазылмай, қаз-қалпында сақталып келеді.

2600 жылдан астам тарихы бар Боралдай сақ қорғанының аумағы ат шаптырым жер. Ұзындығы 3 шақырым болса, ені 800 метрге дейін жетеді. Археологиялық жерде 47 сақ қорғаны мен 200-ден астам үйсін қорғаны орналасқан. Олардың биіктігі 14 метр.

Сақ-үйсін кезеңінде мәйітті жерлейтін жерді іздейтін арнайы адамдар болған. Олар зираттың қос қапталынан өзен өтетін орынды таңдаған - дейді археологтар. Өйткені, сол кездегі адамдардың түсінігі бойынша мазарлар орналасқан жер Құдаймен байланыс орнататын орын болып саналған.

Бұл жерде қорғандар ғана емес, кішігірім қоныстар да болған дейді тарихшылар. Олар биосканерлеудің көмегімен ғимараттың болғанын анықтапты. Адамдар мұнда б.з.д. ІІІ-ІІ ғғ. келіп қоныстана бастаған. Аталған аймақтан аттың тісі, тастан жасалған еңбек құралдар табылды.

Білетіндердің сөзінше, қорғанның «Боралдай» аталуының өзі моңғолдардан қалған. Қорғанда адамдар әртүрлі жерленген. Яғни, әр кезеңнің хандары немесе лауазымды адамдары жатқан болуы мүмкін дейді археолог Руслан Шербаев.

«Негізінде мына өзіміз де аралап, қорғандарды немен салынғанын білдік. Мысалы, сақ кезеңінде ссолтүстік-оңтүстік бағытымен салынған. Үйсін кезеңінде солтүстік-шығыс, оңтүстік-батыс деген бағытта салған. Олардың барлығы сол заманнан келе жатқаннан кейін жерлей берген. Зерттеу жұмысы барысында сақ кезеңінен басқа, мысалы, түрік кезеніне, әйтпесе орта ғасырлық кезенінің зираттары шықса, біз оған таңқалмаймыз. Өйткені ол бұрыннан келе жатқан киелі жер болғаннан кейін, осы күнге дейін сақталғаннан кейін біз енді оны ары қарай сақтап, жалғастырып, осындай территорияның барлығы сакралды етіп істеуге біздің уақыт келді», - деді ол.

Қазақстанның қасиетті жерлерінің атласын жасаудағы басты мақсат – еліміздің тарихи құнды жерлерін қорғау, оларды келер ұрпаққа қаз-қалпында жеткізу болса керек. Сондықтан аталмыш жоба, Республикалық деңгейде «Рухани жаңғыру» бағдарламасы бойынша жүзеге асып жатыр. Киелі жерлердің географилық картасы еліміздің барлық аумағында жасалуда.

Оқи отырыңыз

‡àãðóçêà...

Соңғы жаңалықтар