Нұрлы жол 20.09.2017 сағат 03:48  562

ОҚО-дағы өзге ұлт өкілдерінің 70%-ы қазақ тілін еркін меңгерген

Қазақы қаймағы бұзылмаған Оңтүстік Қазақстан облысы еліміздің дамуына мол үлесін қосып келеді. Экономикалық тұрғыдан да, әлеуметтік тұрғыдан да. Өңірде 100-ден астам диаспора өкілдері өмір сүреді. Осыншама ұлт болса да, баршасы қазақша сөйлеп, мемлекеттік тілдің мәртебесін өсіруге үлестерін қосып жүр.

Бөлісу
Бөлісу
Бөлісу

Бүгінде дәл осы этнос өкілдерінің 70 пайызы қазақ тілінде сөйлеп-жаза алады. Бұл туралы ОҚО Өңірлік коммуникациялар қызметінде өткен баспасөз конференциясында облыстық тілдерді дамыту, архивтер мен құжаттама басқармасының басшысы Бастар Есқараев мәлім етті.

Оның айтуынша, облыста 106 этнос өкілдері тұрады. Сол этнос өкілдерінің басым бөлігіне өз ана тілінде білім алуына мәдениеті мен салт-дәстүрін ұстануға  толық жағдай жасалған. 

«Оңтүстік Қазақстан облысы – ұлттар мен ұлыстардың ең көп шоғырлануымен, ең бастысы олардың тілі, мәдениеті, салт-дәстүрінің сақталуымен ерекшеленеді. Бүгінде мемлекеттік тілді еркін меңгерген этнос өкілдерінің ересек тұрғындарының үлесі 70 пайызды құрайды.  Ал өңірде жүргізілген талдау жұмыстарының нәтижесінде  мемлекеттік тілді еркін меңгерген тұрғындардың үлесі – 92,1% болса,  63 % орыс тілін,  ал, ағылшын тілін білетіндер – 14 %-ға жетіп отыр»,-деді басқарма басшысы.

Сондай-ақ, баспасөз конференциясында спикер облыста 20 этномәдени бірлестіктердің жанында он бір жексенбілік мектеп жұмыс жасайтынын атап өтті. Яғни, ол мектептердегі он бес топта 1065 этнос өкілі өз ана тілдерін оқып-үйренуде екен. 

Жалпы облыстағы барлық аудан, қалаларда мемлекеттік тілді және орыс, ағылшын тілдерін тегін оқытатын 14 орталық жұмыс істейді. Оларда осы жылдың жеті айында 7209 азамат білім алған.

Оқи отырыңыз

‡àãðóçêà...

Соңғы жаңалықтар