$ 447.4 € 477.55 ₽ 4.76
Биыл оңтүстікқазақстандық тауар өндірушілері өнімдерінің шет мемлекеттерге молынан экспортталып жатқанын айтты. Дәнді дақылдардан бастап, ет-сүт, бау-бақша өнімдері және өзге де сауда-саттық тауарлары шекара асып, ОҚО шаруаларының дәулетін арттырып отыр. Мұны шаруалардың өзі тәуелсіздіктің жетістігі дейді. Сондықтан, ел егемендігінің 25 жылдығы қарсаңында отандық өнімдердің сапасымен бірге санын да арттыруға оңтүстікқазақстандық кәсіпкерлер уәде берді.
Оңтүстік Қазақстанда бүгінгі таңда 21 кәсіпорын өз өнімдерін шет ел асырып, экспорттайды. Аймақтың кәсіпкерлері Өзбекстан, Қырғызстан, Ауғанстан және Тәжікстан Республикаларына өсімдік майы мен ұн, балық сүбесі мен консервіленген балық, құс жұмыртқасын, макарон, кондитерлік өнімдерді, қой етін және сиыр етін экспорттайды.
Ресей нарығына шығарылатын негізгі өнімдер бақшалық дақылдар, мен көкөністер ІҚМ-ға арналған мал азығы, консервіленген балық, жемістер, мақта, қызанақ, күркетауық еті,сусындар және т.б. Мәселен, осы жылдың алты айында теріскейдегі көршілерге 45 мың тонна қауын, 17 мың тонна қарбыз экспортталған.
Ал оңтүстікқазақстандық «Хамит» компаниясы балықтың сүбе етін Грузия, Германия, Украина Республикаларына және Ресей Федерациясына жібереді.
Қазіргі таңда ауылшаруашылығы өнімдерінің экспорты Еуро одақ елдеріне шыға бастады. Мысалы, "Қаршыға" шаруа қожалығы алма, қауын және қарбыз өнімдерін Германияға жібере бастады.
Бүгінде өңірімізде Иран республикасына жүгері және қой етін экспортқа шығару жайы реттелуде. Сауд Арабиясына, БАӘ және Ирак республикасына кой етін экспорттауға алдын ала келісімдер туралы жұмыс жүргізіліп жатыр. Осы бағыт бойынша осы жылдың маусым айында БАӘ-ға қойлар экспортталғаны есімізде.
