Нұрлы жол 17.09.2016 сағат 11:14

Шымкентте полицейлерге арналған саябақ салынады

Ел тәуелсіздігінің 25 жылдығы қарсаңында Оңтүстік Қазақстан облысының орталығында полицейлерге арналған саябақ ашылады. Бұл туралы өңір басшысы Бейбіт Атамқұлов ішкі істер департаментінің қалалық бөлімшелерінің жұмысымен танысу барысында айтты. 

Бөлісу
Бөлісу
Бөлісу

Аймақ басшысы қызмет бабында ерлікпен қаза тапқан полиция қызметкерлері мен осы салада еңбек еткен ардагерлерге құрмет көрсету үшін Шымкент қаласынан арнайы саябақ салу мүмкіндігін қарастыруды тапсырды деп хабарлайды ОҚО әкімдігінің баспасөз қызметі.

Осынау сапар барысында облыс әкімі полиция бөлімшелерінің ғимараттарын уақыт талабына сай реттеу үшін ұсыныс енгізуді Шымкент қаласының әкімі мен тиісті құрылымдық бөлімдердің жетекшілеріне жүктеді.

Сондай-ақ, қала әкімі Ғабидолла Әбдірахымов Қаратау аудандық ішкі істер бөлімшесінің ғимаратын жаңадан салынып жатқан «Шымкент сити» ауданында салуды ұсынды. Бөлімшені жаңа инфрақұрылыммен жабтықтау қажеттігін атап өткен өңір басшысы жобаны қолдады.

Сапар соңында облыс әкімі мемлекет тарапынан тәртіп сақшыларына барынша жағдай жасалып жатқанын жеткізіп, лайықты жұмыс жасау арқылы ел сенімін ақтауды айтты.

Алдағы үш жылда оңтүстікқазақстандық полиция қызметкерлері 350 дана қызметтік көлікпен қамтылатын болады. Бұл өз кезінде олардың жұмыс көрсеткіштерін жақсартып, нәтижелі жұмыс жасауға сеп болады.

Сондай-ақ, айта кету керек, егемендіктің 25 жылдығы қарсаңында дәл осы Шымкент қаласында бірнеше әлеуметтік және мәдени нысан пайдалануға беріледі деп күтілуде.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар