Нұрлы жол 02.12.2016 сағат 03:48

Шымкенттегі көпқабатты үйлердің аулалары күрделі жөндеуден өтті

Шымкент қаласындағы Абай ауданына қарасты үш көпқабатты үйлердің аулалары қайта жөндеуден өтіп, ел игілігіне берілді деп хабарлады ОҚО әкімдігінің баспасөз қызметі.

Бөлісу
Бөлісу
Бөлісу

Тұрғындардың қуанышымен бөлісе барған облыс әкімі Жансейіт Түймебаев пен қала әкімі Ғабидолла Әбдіраxымов барша шымкенттіктерді мерейлі қос мереке - Қазақстан Республикасы Тәуелсіздігінің 25 жылдығы және «1 желтоқсан  - Тұңғыш Президент күнімен» құттықтады.

«Халыққа ыңғайлы жағдай жасау мақсатында қалада ауқымды құрылыс жұмыстары жүргізілді. Мәселен, шаһардағы  көпқабатты 1020 тұрғын үйдің  829-ндағы аулалар жөнделіп, 334 үйдің ауласына жарықтандыру жұмыстары жүргізілді. Ал 686 көпқабатты тұрғын үйдің ауласына электр бағаналарын орнату жұмыстары жыл соңына дейін аяқталады деп жоспарлануда»,-деді облыс әкімі.

Осынау жұмыстардың барлығы халық игілігі үшін жасалып жатқан дүние екенін айтқан аймақ басшысы қаламыздың тазалығы мен оны күтіп ұстау  тұрғындардың да міндеті екенін жеткізді.

Қазақстан Республикасы Тәуелсіздігінің 25 жылдығы мерекесіне орай,  «Жұмыспен қамту жол картасы 2020» бағдарламасы аясында республикалық және жергілікті бюджеттен қаржы қаралып, 80-нен астам көпқабатты тұрғын үйдің ойын алаңдары қайта жөнделіп, жыл соңына дейін пайдалануға беріледі.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар