Айтыскер ақын Рүстем Қайыртайұлы БазарLike YouTube-арнасына берген сұхбатында әріптесі, бүгінде Мәжіліс депутаты Ринат Зайытовтың билікке келуіне қатысты пікірін білдірді, деп жазды Skifnews.kz ақпарат порталы.
Оқи отырыңыз: Жүрсін Ерманның орнын кім басады: aқын айтыстың тізгінін кім ұстайтынын мәлім етті
«Связі» мықты екен, Жүрсін Ерман телевизиялық айтысты жаптырып тастады – Ертай Нүсіпжанов
Өзімнің қолымнан ондай келмейді. Мен енді шығармашылықтың адамымын. Ал Ринат айтыста танылғаннан бастап билікті, жоғары лауазымды елбасының өзіне де ауыр сөздер айтып, саяси дүниелерді көп айтатын. Мемлекеттің кемшіліктерін, жемқорлықты, бюрократизмді Ринат көп айтатын. Барғаны дұрыс деп есептеймін. Өзі сыртынан айтып көрді. Ішіне барды. Өзгерте алса, қанекей? Мен жалпы қуандым. Ринат жолын тауып, депутаттыққа барды. Мен өзім жүз пайыз қолдаймын. Ринаттың аузынан шығатын сөздердің бәрі «халқым-ай», «қазағым-ай», «жұртым-ай» еді. Енді сол жұртына, халқына жәрдемдесе алатын үлкен тізгін қолына тиді. Ринаттың депутаттығынан қандай із қалатынын білмеймін. Бірақ соған тырысқан азамат ретінде, өзі сынаған адам ретінде билікке барса, жақсылықтарға атсалысады деп өз басым сенемін, - деді Рүстем Қайыртайұлы.