Қоғам 22.02.2017 сағат 06:10

Ақтөбелік мұғалім 3-сынып оқушысын азғындады деп айытпалуда

Ақтөбедегі мектептердің бірінде мұғалімге қатысты шу шықты деп жазады 31-арна. Шағымданған ата-ана 23 жастағы мұғалім 3-ші сыныпта оқитын қызына жыныс мүшесін көрсетіп, қолымен ұстатқан деп отыр. Қазір бұл оқиғаға қатысты тергеу амалдары жүріп жатыр. Ал, оқуын қызыл дипломмен аяқтап, биыл ғана денешынықтыру пәнінің мұғалімі болған азамат бұлай істеді дегенге ұжым сене алар емеспіз дейді.

Бөлісу
Бөлісу
Бөлісу

Соңғы екі-үш күннен бері Ақтөбедегі бұл мектептің ұжымы да, оқушылар мен ата-аналар да мектеп қабырғасында "осындай болыпты" деген оқиғадан кейін естерін жия алар емес. Оқушы қыздың ата-анасының түсірген шағымына қарағанда, мұғалім үшінші сыныпта оқитын өзінің оқушысын мектептегі таса жерге апарып, жыныс мүшесін ұстатқан. Шағымнан соң, өзге ата-аналар да балаларды мектепке жіберуге қорқатын болдық дейді.

Мұғалімнен зәбір көруі мүмкін деген оқушының ата-анасы әзірге ел алдына шығуды қаламапты. Ал, мектеп директоры жас мұғалім "олай істемеді" деп кесіп айта алмайды. Айтуынша, қазір кішкентай қызға тиісті деген мұғалім тергеуге байланысты жұмыстан шеттетілген. Дегенмен, басшылық жас мұғалімнен жаман қылық байқамаған едік деп отыр.

ЛАТЫП ӘЛІБИ, Ақтөбе қаласы №16 орта мектебінің директоры:
- Ақыл-есі дұрыс, колледж бітірген бала. Арақ ішпейді, темекі тартпайды. Оның артынан ондай жағдайды ешқашан көрген емеспіз. Қазір мен нақты ештеңе айта алмаймын. Неге десеңіз тергеу жүріп жатыр. Бізге олар анық ештеңе айтқан жоқ.

Облыстық ішкі істер департаменті баспасөз қызметінің хабарлауынша, бұл оқиғаға қатысты шағым полиция бөліміне түскен. Қазір мұғалімнің әрекеттеріне қатысты істі полицейлер жан-жақты тексеріп, айналысып жатыр дейді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар