Алматыда «Отбасы күніне» арналған велошеру өтеді

12 қыркүйек 2014 жылы Алматы қаласында «Отбасы күні» мен «Тур Алматы 2014» кәсіби веложарысын қолдау аясында кешкі велошеру өткізіледі, деп хабарлайды Skifnews.kz.

Қатысушылар сағат 20.30-да Әл-Фараби даңғылы мен Тәттімбет көшелерінің қиылысында жиналып, 21.00-де шеруді бастайды. Мәре алаңы ҚР Тұңғыш президенті атындағы саябақта белгіленген.

ҚР Тұңғыш президенті атындағы саябақта велошеруге қатысушыларға арналған сыйлықтар табысталады.

Сол күні велошеру өтуіне байланысты, сағат 20.30-дан 21.00-ге дейін әл-Фараби даңғылының бойы Тәттімбет көшесінен бастап Мұстафин көшесіне дейін автокөліктер үшін ішінара жабық болады.