Елорда аумағында "Құқықтық тәртіп" жедел алдын алу шаралары жалғасып жатыр деп хабарлайды қалалық ІІД-нің баспасөз қызметі.
Астана қалалық ІІД экстремизммен күрес басқармасының қызметкерлері жүргізген рейдтік тексерулер барысында заңсыз жұмыс істеп келген 4 намазхана анықталған. Олардың бірінде экстремистік мазмұндағы материалдар сақталып келген болса, екіншісінде тәуіпшілікпен емдеу шаралары жүргізіліпті.
Қазіргі таңда бұл нысандарды кімдердің ашқаны анықталып, тергеу-тексеру амалдары жүргізіліп жатыр.
Сондай-ақ, алдын алу шаралары барысында елорда аумағында уәкілетті органдарда заңсыз миссионерлік қызмет атқарып жүрген шетел азаматын анықталды. Баспасөз қызметінің мәліметінше, ер адамды Қазақстан Республикасы аумағынан депортациялау мәселесі сот тәртібінде қаралып жатыр.