$ 444.32 € 473.33 ₽ 4.76
Оңтүстік Қазақстан облысының Сайрам ауданында жоғалып кеткен 17 жастағы бойжеткен табылды. Оны өзінің жігіті алдып қашып кеткен. Некелесуге қыздың өзі де қарсы болмаған екен. Тек ата-анасы рұқсат бермеген көрінеді.
Полицейлерге арызды бойжеткеннің ата-анасы 17 тамыз күні жазған. Сол уақыттан бері іздеу шараларын жүргізген тәртіп сақшылары жоғалған қызды Шымкенттегі үйлердің бірінен тапты. Ол алып қашқан жігіттің туысының үйі екен. Сондай-ақ, қызбен сөйлесу барысында оның жігіттің үйіне өз еркімен барғаны, күшпен алып қашпағаны анықталды. Енді тергеушілер істің өзге де мән-жайын анықтауда.
Полицейлердің айтуынша, жыл басынан бері бір ғана Сайрам ауданында қыз алып қашудың 17 дерегі тіркелген. Барлық жағдайда тараптардың татуласуынан қылмыстық жауапкершілікке ешкім тартылмаған екен.
